Безнең педагоглар – иң яхшылар арасында

"Ел укытучысы-2017" Бөтенроссия бәйгесенең төбәк этабына йомгак ясалды.

"Ел укытучысы" финалында зональ турларда җиңүгә ирешкән 60 Татарстан укытучысы - "Ел укытучысы" (педагогик хезмәт стажы 5 елдан күбрәк булганнар) һәм "Педагогик дебют" (хезмәт стажы 3 елдан артмаган мөгаллимнәр) номинацияләре буенча иң яхшы укытучы исемен алуда көч сынаштылар. 2 нче Аксубай мәктәбенең рус теле һәм әдәбияты укытучысы Флера Вафина төбәк этабы нәтиҗәләре буенча иң яхшы 15 мөгаллим арасына керде һәм "Тамашачы мәхәббәте призы" номинациясендә җиңүче булды. 3 нче Аксубай мәктәбенең рус теле һәм әдәбияты мөгаллиме Юлия Дмитриева "Педагогик дебют" номинациясендә иң яхшылар унлыгына керде һәм бәйге лауреаты булды.