Бер нәтиҗәгә килергә кирәк

Унберенче сыйныф укучыларына 1 февральгә кадәр өстәмә фән сайлап алуда бер нәтиҗәгә килергә һәм БДИда катнашу өчен гариза язарга кирәк.

Мондый гариза мәктәпкә бирелә. Урта һөнәри белем бирү учреждениеләрендә укучы мәктәпне элек тәмамлаучылар гаризаны яшәү урыны буенча урнашкан мәгариф бүлегенә бирәләр. Мәктәпне элек тәмамлаучыларның гариза биргәндә үзләре белән паспорт, аттестат яки урта һөнәри белем (СПО) турындагы дипломы булырга тиеш, ә СПОда укучылардан паспорт һәм аларның гомуми урта белем программасын үзләштерүен раслаган белешмә сорала. БДИ һәм төп дәүләт имтиханын тапшыру өчен сайлап алынган фән төре Татарстан Республикасының дәүләт имтихан комиссиясе карары буенча һәм мөһим сәбәп булганда гына үзгәртелергә мөмкин, дип хәбәр итә республиканың Мәгариф министрлыгы.