Балаларга юридик ярдәм

Аксубайның балигъ булмаган балалары юридик ярдәмгә исәп тота алалар.

20 ноябрьдә Яшьләр үзәгендә Балаларга хокукый ярдәм көне үтә. Ачык әңгәмәдә балигь булмаган балалар да, шулай ук аларның әти-әниләре дә катнаша ала.
Барлык структураларның катнашуы планлаштырыла. Күтәрелгән сорауларга кеше хокуклары буенча Уполномоченныйның иҗтимагый ярдәмчесе Рузилә Бәширова, ПДН өлкән инспекторы Игорь Белов, өлкән суд приставы Альбина Әфләтонова, УИИ җитәкчесе Венера Яфизова, мәгариф бүлеге җитәкчесе Әминә Вәлиуллина, психолог Татьяна Семенова, опека һәм попечительлек бүлеге җитәкчесе Руфил Дәүләтшин, адвокат Светлана Прончатова, нотариус Алик Саттаров, прокуратура вәкиле Ленар Яфизов җавап бирә. Очрашу 13.00 сәгатьтә башлана.