Балалар лагерьләре ачылды

1 июньнән мәктәп яны сәламәтләндерү лагерьләре балалар өчен үз ишекләрен ачты.

12 мәктәп яны лагерендә 500 бала ял итәчәк. Шулай ук биш гомуми белем бирү оешмасындагы хезмәт һәм ял лагерьләренә 100 бала китте. Балалар иртәнге сәгать 9га киләләр һәм 14:00 сәгатьтә кайтып китәләр. Аларга иртәнге, төшке ашлар бирелә һәм төштән соң тамак ялгап алу мөмкинлеге дә каралган. Лагерьләрдә һәр көнне спорт-сәламәтләндерү, мәдәни-күңел ачу чаралары үтә. Хезмәт һәм ял лагерьләрендә үсмерләр сәгать-сәгать ярым вакытларын мәктәп яны участогында эшләүгә багышлыйлар.