Аксубайның “Салават күпере” балалар бакчасында Габдулла Тукай шигырьләрен укыдылар

26 апрельдә "Салават күпере" балалар бакчасында "Сандугач" исемле нәфис сүз осталары бәйгесе булып узды.

Бу чара татар халкының бөек шагыйре Габдулла Тукай тууына 130 ел тулу уңаеннан оештырылды. Бәйгедә Г. Тукай әсәрләре түбәндәге номинацияләр буенча билгеләнгән иде: "Г. Тукай әсәрен рус телендә иң яхшы башкаручы", "Иң күңелле шигырь», "Татар телендә иң яхшы шигырь укучы", "Сәнгатьле уку", "Туган телдә иң яхшы шигырь укучы", "Иң оста сәхнәләштерелгән кечкенә спектакль".

Һәр бала үз осталыгын, талантын ачырга тырышты. Иң оста башкаручылар булып: 1 урын - Әхмәтшина Алия, 2 урын -Жаренова Татьяна, 3 урын - Шәйхетдинов Кәрим табылдылар. Әлеге бәйге кызыклы һәм уңышлы уздырылды. Җиңүчеләр һәм номинантлар белем бирү учреждениесенең грамоталары белән бүләкләнделәр.