1 сыйныфка кабул итү башланды

2017 елның 1 февраленнән Татарстанда баланы 1 сыйныфка укырга бирү буенча гаризалар кабул итү башланды.

Баланы 1 сыйныфка яздыру өчен ата-аналар мәктәпкә, 1 сыйныфка кабул итүне оештыру комиссиясенең эш графигын алдан ачыклап, 1 февральдән башлап килә алалар. Моннан тыш, Татарстан Республикасы дәүләт һәм муниципаль хезмәтләр порталында гариза тутырып, Интернет аша да язылырга була. Белем бирү оешмасы теркәлгән территориядә яшәмәгән балалар 1 июльдән буш урыннарга кабул ителәчәк.