Аксубай районының Җиңү батырлары: Тимирясов Елисей Мурзич

Бөек Ватан сугышы фронтларында 1942 елның апреленнән 1944 елның сентябренә кадәр катнаша (яралана, хәрби исәптән төшерелә).

Каһарманның фронт юлы: 9 нчы мех. бригаданың 46 нчы танк полкы составында хезмәт итә, 9 августтан лейтенант, танк командиры. Корсунь-Шевчен операциясендә, Ясско-Кишенев операциясендә (1944 елның августы), Румынияне азат итүдә (1944 елның сентябре) катнаша.

Сугышчан бүләкләре: I дәрәҗә Ватан сугышы ордены, Кызыл Йолдыз ордены, «Германияне Җиңгән өчен» медале.

Сугыштан соң Аксубай урта мәктәбендә хәрби җитәкче, Аксубай сигезьеллык мәктәбендә тарих укытучысы, уку мөдире булып эшли.