Язучыны искә алу

21 август, сишәмбе көнне сәгать 10 да Яңа Үзидә Газиз Кашапов-Үзиле музеенда якташыбыз - язучы, журналист һәм публицист Газиз Кашаповның 70 яшьлек юбилеена багышланган чара үтәчәк.

Газиз Кашапов-Үзиле 1942 елның 21 августында Яңа Үзи авылында туа. Аның иң беренче китабы 1974 елда дөнья күрә.
Бу көнне язучының кече ватанына танылган татар язучылары киләчәк. Бәйрәм кысаларында төрле кызыклы чаралар үткәреләчәк. Кичәгә язучының иҗатын яратучы барлык кеше дә чакырыла.