Республика көне белән!

Иртәгә Татарстан халкы Татарстан Республикасы дәүләт суверенитеты турындагы Декларация кабул иткән көнне билгеләп үтә.

1990 елның 30 август көне республиканың тарихи елъязмасына мәңгегә кереп калачак. -Республика үсешенең борылыш этабында кабул ителгән Декларация Татарстан дәүләтенә яңа юл ачты,- дип ассызыклады район башлыгы Камил Гилманов. Барлык район халкын бәйрәм белән тәбрик итеп, ул алга таба да аксубайлыларның социаль-икътисади үсеш программасын тормышка ашыруда актив катнашуларына ышаныч белдерә һәм аларга сәламәтлек, бәхет, иминлек, күңел күтәренкелеге тели.