Мәйдан чакыра

6 июнь, шимбә көнне, район халкын Аксубайның Сабантуй мәйданы үзенә чакыра.

Хезмәт һәм дуслык бәйрәме 10 сәгатьтә башлана. Күркәм йола буенча бу көнне авыл хуҗалыгы уңганнарын бүләклиләр. Мәйданда шулай ук массакүләм уеннар, аттракционнар оештырыла. 11.30 сәгатьтә атлы спорт төрен яратучыларны Сабантуйның ипподром мәйданы көтә, сәгать 12 дә милли көрәш башлана. Ә ял итәргә теләүчеләрне районның үзешчән артистлары, милли үзәкләр әзерләгән бай эчтәлекле мәдәни-массакүләм күңел ачу программасы, карусель һәм традицион шашлык белән сәүдә үзәкләре көтә.