“Яшел уңыш“ны җыюда алдынгылар арасында

Авыл хуҗалыгы һәм азык-төлек министрлыгы үткән атнага нәтиҗәләр ясады.

ТР МСХиПнең бүгенгесе көнгә тәкъдим иткән мәгълүматларына нигезләнеп, Татарстанда 425 мең тоннадан артык печән, 2004,1 мең тонна сенаж һәм 3574,5 тонна яфрак азык хәзерләнгән. Азык хәзерләүдә Нурлат, Аксубай һәм Актаныш районнары алдынгылыкны били. Республиканың алдынгы механизаторлары арасында Аксубай районының "Аксу Агро" ҖЧҖдән Вәгыйз Ризванов та бар. Ул "Ягуар" азык җыю комбайны белән идарә итә. Сезон башыннан ул 11 мең тоннадан артык сенаж хәзерләгән.