Сыер асрау – файдалы

Шәхси хуҗалыгы булган авыл кешесенең керем алу мөмкинлеге зур.

Сөт тапшыру - ышанычлы табыш чыганагы. Авыл җирлекләрендә яшәүче халыкның күпчелеге сөт сатып акча эшләүне гамәлгә керткән. Сөтлебикәләрнең баш саны (339) һәм тапшырылган продукция күләме буенча - 1 тонна 800 килограмм, искеибрайлылар алдынгылыкны тота. Аларның күршеләре Яңа Ибрай авыл җирлеге халкы һәр көнне тоннадан артык сөт тапшыра. Карасу, Яңа Кармәт авыл җирлекләре дә алардан калышмый. Урмандеево, Кәкре Күл, Емелькино авыл җирлекләрендә сөт җыю узган ел күрсәткеченнән күпкә югары. Димәк, әлеге җирлек халкы терлекчелектән яхшы табыш ала.