Шәхси хуҗалыктан кергән табыш

Шәхси сектор өчен сөт тапшыру - гаилә бюджетына ышанычлы ярдәм.

Хуҗаның ни дәрәҗәдә уңган булуы, хуҗалыгын алып баруы сөт тапшыру күрсәткечләреннән күренә. Моңа бәйле бүгенгесе көндә искеибрайлыларга тиңнәр юк. Иске Ибрай авыл җирлеге халкы һәр көнне 1600 килограмм сөт тапшыра. Икенче урында - Урмандеево авыл җирлеге. Аның күрсәткече - 1123 килограмм. Урмандееволылар өчен - бу рекордлы күрсәткеч. Узган елның февралендә сөт җыючы кабул итү пунктына нибары 400 килограммнан артыграк сөт тапшырган. 1000 килограмм сөт тапшыручылар арасында Яңа Ибрай, Карасу авыл җирлекләре дә бар. Бер литр сөтнең бәясе 20 сумга якын булуын исәпкә алганда, авыл кешеләренең кызыксынуы арта бара.