Аксубаево
  • Рус Тат
  • СОҢЛАП КИЛГӘН РӘХМӘТ

    Сугыш дәһшәтләрен күрмәсәк тә, Кайтавазы һаман йөрәктә. Солдат шинелендә тора әти Сугыш чорындагы сурәттә. Унсигезе тулган яп-яшь егет, Үсмерлектән хәтта чыкмаган, Ә үзе бит, кулга корал тотып Туган илен кыю яклаган. Әле ярый, мәрхәмәтле язмыш Аны безнең өчен саклаган! Сугыш гарасатын кичкәнгәме, Сабыр булды дөнья вагына. Җиде бала үскән йорт-нигезне...

    Сугыш дәһшәтләрен күрмәсәк тә,
    Кайтавазы һаман йөрәктә.
    Солдат шинелендә тора әти
    Сугыш чорындагы сурәттә.
    Унсигезе тулган яп-яшь егет,
    Үсмерлектән хәтта чыкмаган,
    Ә үзе бит, кулга корал тотып
    Туган илен кыю яклаган.
    Әле ярый, мәрхәмәтле язмыш
    Аны безнең өчен саклаган!
    Сугыш гарасатын кичкәнгәме,
    Сабыр булды дөнья вагына.
    Җиде бала үскән йорт-нигезне
    Алып барды тигез-җай гына.
    Кирәк түгел иде барометр
    Үзгәргәндә һава торышы.
    Яралары әрнеп сызлаганда
    Үзе түгел, әни генә ачынып
    И, каһәрли иде сугышны!
    ...Һәр йорт саен бер ветеран иде,
    Орден-медаль тулы түшләре.
    Ә үзләре рәхәт тормыш өчен
    Ару белми, янып эшләде.
    "Без - герой!" дип, берсе генә дә бит
    Бер мактанып йөри белмәде.
    Өйләр тулып ишле бала үсте,
    Бергә җыйсаң - үзе бер мәктәп!
    Үкенеч булып калды әткәйләргә
    Әйтелмичә калган зур рәхмәт.
    Зур Җиңүнең кырык еллыгына
    Барды әле алар бергәләп.
    Ә аннары... рәхәт тормыш җиткәч,
    Китеп барды берәр-берәрләп...
    Хәзер без дә акыл кергән яшьтә
    Аңладык тик бары соңарып.
    Яп-яшь килеш ут эченү кергән,
    Безгә тыныч-рәхәт тормыш биргән
    Әткәйләргә һәйкәл куярлык.

    Фото: orenburg.przrf.ru

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: