Шоферлар һәрчак кирәк

"Аксубайлес" ГБУ шоферлары ел әйләнәсе эш белән тәэмин ителгән. Чөнки предприятие продукция җитештерүне арттырырга, күрсәткечләрне яхшыртырга омтыла.

Сергей Узяков "Аксубайлес" шоферлары арасында иң алдынгысы. Ул урман делянкасыннан производство участогына үзагач ташу белән мәшгуль. Шофер үзенә тапшырылган эшне намус белән башкара, аның машинасы теләсә нинди һава торышында да рейска чыгарга әзер.
Наил Ярмөхәммәтов та коллективта яхшылар исәбендә. Төрле эшләр башкару белән беррәттән, ул урман кискәннән калган агач калдыкларын халыкка ташый.