Аксубай районының Җиңү батырлары: Шишков Николай Семенович

1923 елның 15 маенда Иске Тимошкино авылында дөньяга килә. Бүгенге көндә дә ул шунда гомер кичерә.

1941 елның августында фронтка чакырыла.

Сугыш юлы: 1941 елның августыннан 1942 елның февраленә кадәр кавалерия училищесендә укый, Көньяк-көнбатыш Украина фронтында взвод командиры, эскадрон командиры ярдәмчесе.

Бүләкләре: "1941-1945 елларда Бөек Ватан сугышында Германияне Җиңгән өчен" медале, Ватан сугышы ордены. 1945 елның ноябрендә сугыштан кайта.

Имин вакытта Иске Тимошкино урта мәктәбендә математика укытучысы булып эшли.