Аксубай районының Җиңү батырлары: Хәсәнов Шәяхмәт Вәлиәхмәт улы

ТАССРның Октябрь районы Югары Нурлат авылында туа. Аксубай районының Карасу авылында яши.

1942 елның апрелендә хәрби хезмәткә чакырыла һәм частька озатыла. Сугыш вакытында 211 нче укчылар полкында снайпер, шул ук вакытта 2151 нче округ автосклады укчысы булып хезмәт итә. 1945 елның августында уң кулы һәм уң аягы каты яралана.

Сугыштан 1947 елның мартында кайта.

Бүләкләре: "Японияне җиңгән өчен", Жуков медальләре, II дәрәҗә Ватан сугышы ордены, "1941-1945 нче еллар фронтовигы" күкрәк билгесе, юбилей медальләре.

Сугыштан соң ТАССР Октябрь районының Хафизов исемендәге колхозында терлекче булып эшли.